Փրկարարներն ուղղել են բեռնատարը և երթևեկելի դարձրել Վերին Խոտանան գյուղի ճանապարհը
1 րոպեի ընթերցում
![Փրկարարներն ուղղել են բեռնատարը և երթևեկելի դարձրել Վերին Խոտանան գյուղի ճանապարհը](http://armenpress.am/resized/480/storage/images/articles/2024/08/01/NS59zbOwUxxuJGRS0mzh8rpFVkiV2rDVyZNURu99.webp)
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Սյունիքի մարզային փրկարարական վարչության ճգնաժամային կառավարման կենտրոնն oգոստոսի 1-ին, ժամը 14:02-ին ահազանգ է ստացել, որ Վերին Խոտանան գյուղի եկեղեցու մոտակայքում բեռնատարն երթևեկելի հատվածում ընդունել է մկրատաձև դիրք, ինչի հետևանքով ճանապարհահատվածը դարձել է անանցանելի․ անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Աղվանիի հենակետի մեկ մարտական հաշվարկ:
Պարզվել է, որ «Volvo» մակնիշի բեռնատարը (վարորդ՝ Ա. Ա.) ճանապարհի երթևեկելի հատվածում ընդունել է մկրատաձև դիրք, ինչի հետևանքով խցանվել են մոտ 80 բեռնատար և մոտ 50 մարդատար ավտոմեքենա:
Ըստ աղբյուրի՝ փրկարարներն ուղղել են բեռնատարը և դուրս բերել երթևեկելի հատվածից. երթևեկությունը վերականգնվել է:
Փրկարարների կողմից դեպքի վայրում իրականացվել է հերթապահություն։