ՀՀ ԱԳ նախարարը ցավակցել է Հնդկաստանում տեղի ունեցած սողանքների հետևանքով զոհվածների ընտանիքերին
1 րոպեի ընթերցում
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ։ Հայաստանի արտգործնախարար Արարատ Միրզոյանը ցավակցություն է հայտնել Հնդկաստանի Կերալայի նահանգում սողանքների հետևանքով զոհվածների ընտանիքներին։
«Արմենպրես»-ի հաղորդմամբ՝ այս մասին նշված է ՀՀ ԱԳ նախարարի X-ի միկրոբլոգում տարածված գրառման մեջ։
«Ցավով տեղեկացանք Հնդկաստանի Կերալա նահանգի Վայանադի շրջանում տեղի ունեցած զանգվածային սողանքների մասին, որոնք մարդկային զոհերի, վնասվածքների և մեծ վնասների պատճառ են դարձել։ Իմ խորին ցավակցություններն ու անկեղծ կարեկցանքն եմ հայտնում զոհվածների ընտանիքներին», - գրել է Արարատ Միրզոյանն՝ իր գրառման մեջ նշելով նաև Հնդկաստանի ԱԳ նախարար Սուբրամանյամ Ջայշանկարին։
Ի պատասխան Արարատ Միրզոյանի ցավակցական ուղերձի՝ Հնդկաստանի ԱԳ նախարարը մեկ այլ գրառմամբ շնորհակալություն է հայտնել հայ գործընկերոջը։