ՀՀ ԱԳ նախարարը ցավակցել է Հնդկաստանում տեղի ունեցած սողանքների հետևանքով զոհվածների ընտանիքերին

ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ։ Հայաստանի արտգործնախարար Արարատ Միրզոյանը ցավակցություն է հայտնել Հնդկաստանի Կերալայի նահանգում սողանքների հետևանքով զոհվածների ընտանիքներին։ 

«Արմենպրես»-ի հաղորդմամբ՝ այս մասին նշված է ՀՀ ԱԳ նախարարի X-ի միկրոբլոգում տարածված գրառման մեջ։

«Ցավով տեղեկացանք Հնդկաստանի Կերալա նահանգի Վայանադի շրջանում տեղի ունեցած զանգվածային սողանքների մասին, որոնք մարդկային զոհերի, վնասվածքների և մեծ վնասների պատճառ են դարձել։ Իմ խորին ցավակցություններն ու անկեղծ կարեկցանքն եմ հայտնում զոհվածների ընտանիքներին», - գրել է Արարատ Միրզոյանն՝ իր գրառման մեջ նշելով նաև Հնդկաստանի ԱԳ նախարար Սուբրամանյամ Ջայշանկարին։

Saddened to learn of the massive landslides in the #Wayanad district, #Kerala🇮🇳, which caused loss of lives, injuries & extensive damages. My deepest condolences & sincere sympathies to the bereaved families. @DrSJaishankar

— Ararat Mirzoyan (@AraratMirzoyan) August 1, 2024

Ի պատասխան Արարատ Միրզոյանի ցավակցական ուղերձի՝ Հնդկաստանի ԱԳ նախարարը մեկ այլ գրառմամբ շնորհակալություն է հայտնել հայ գործընկերոջը։

Thank you FM @AraratMirzoyan. https://t.co/u4o3FtHnCq

— Dr. S. Jaishankar (@DrSJaishankar) August 1, 2024