368.52
Իրանի դեսպանը ևս հերքել է Թեհրանի և Երևանի միջև զենքի ձեռքբերման պայմանագրի մասին տեղեկությունները
1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանին հերքել է Թեհրանի և Երևանի միջև զենքի գաղտնի գործարքի մասին լուրերը։
«Արմենպրես»-ի փոխանցմամբ՝ այս մասին հայտնում է իրանական Mehr գործակալությունը՝ փոխանցելով դեսպան Սոբհանիի խոսքերը։
Վերջինս ընդգծել է, որ լուրը տարածվել է անվստահելի լրատվամիջոցների կողմից, որոնք նախկինում կեղծ տեղեկություններ և չարամիտ վերլուծություններ են տարածել Իրանի Իսլամական Հանրապետության մասին:
Դեսպան Մեհդի Սոբհանիի գնահատմամբ՝ նման հրապարակումների նպատակն է ազդել Իրանի և Հարավային Կովկասի երկրների միջև բարեկամական հարաբերությունների զարգացման վրա։
Նա նաև նշել է, որ Իրանի Իսլամական Հանրապետությունն աջակցում է կովկասյան տարածաշրջանում խաղաղության ու կայունության հաստատմանն ու տնտեսական զարգացմանը։
Բաժանորդագրվեք մեր ալիքին Telegram-ում