Երևանում նախատեսում է 32 մանկապարտեզի վերակառուցում
1 րոպեի ընթերցում
![Երևանում նախատեսում է 32 մանկապարտեզի վերակառուցում](http://armenpress.am/resized/480/storage/images/articles/2024/07/24/ARFlPL0ICQHCbThSUYxnMcf6AKQ1n5AaQJEkyuI2.webp)
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ։ Երևանի քաղաքապետարանի նախաձեռնությամբ աննախադեպ քանակով մանկապարտեզներ են հիմնանորոգվում։ «Արմենպրես»-ի հաղորդմամբ՝ մամուլի ասուլիսի ժամանակ այս մասին ասաց Երևանի քաղաքապետ Տիգրան Ավինյանը։
«Հաջորդ փուլի ծրագրով նախատեսել ենք 32 մանկապարտեզի վերակառուցում էներգոարդյունավետության և սեյսմոկայունության բաղադրիչով։ Ֆինանսավորումն արդեն իսկ հաստատվել է։ Դրանք հիմա ավելի խիստ ստանդարտներով վերանախագծվում են և շուտով կդրվեն մրցույթների։ Այս պահի դրությամբ մոտ մեկ տասնյակից ավել մանկապարտեզներ գտնվում են հիմնանորոգման փուլում»,- նշեց Ավինյանը։
Նրա խոսքով՝ մանկապարտեզներում նախատեսում են երկարօրյա ծառայություն, որն աշխատող ծնողների համար ավելի հարմարավետ կլինի։