388.39
Ավինյանը կարծում է, որ Երևանի ճանապարհային ցանցի վիճակը նախորդ տարիների համեմատ ավելի լավն է լինելու
1 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ։ Երևանում այս տարի իրականացվել են ճանապարհների փոսալցման և միջին նորոգման ամենածավալուն աշխատանքները։
«Արմենպրես»-ի հաղորդմամբ՝ մամուլի ասուլիսի ժամանակ այս մասին ասաց Երևանի քաղաքապետ Տիգրան Ավինյանը՝ խոսելով Երևանի ճանապարհային ցանցի հետ կապված խնդիրներից։
«Այս տարի ամենամեծ ծավալով իրականցրել ենք ճանապարհների փոսերի նորոգման աշխատանքներ, միջին նորոգման աշխատանքներ, որոնք նույնպես եղել են աննախադեպ ծավալների։ Ունեցել ենք խնդիրներ հիմնականում պայմանավորված եղանակային պայմանների հետ, բայց արդեն իրականացված աշխատանքի ծավալները աննախադեպ մեծ են։ Այս տարվա ավարտին, կարծում եմ, մեր ընդհանուր ճանապարհային ցանցի վիճակը էականորեն ավելի լավն է լինելու, քան նախորդ տարիներին է եղել»,-նշեց Ավինյանը։
Բաժանորդագրվեք մեր ալիքին Telegram-ում
