ԱՄՆ պետքարտուղարն ու Գերմանիայի ԱԳ նախարարը քննարկել են Հայաստանի և Ադրբեջանի միջև խաղաղության գործընթացը

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Միացյալ Նահանգների պետքարտուղար Էնթոնի Բլինքենը և Գերմանիայի արտաքին գործերի նախարար Անալենա Բերբոքը քննարկել են Հայաստանի և Ադրբեջանի միջև խաղաղության գործընթացը։ 

«Արմենպրես»-ի հաղորդմամբ՝ այս մասին նշված է ԱՄՆ պետքարտուղար Բլինքենի X-ի միկրոբլոգում կատարված գրառման մեջ։ 

«Հանդիպեցի Գերմանիայի արտգործնախարար Աննալենա Բերբոքի հետ՝ քննարկելու աջակցությունն Ուկրաինային, Գազայում հրադադարի ապահովումը և Հայաստանի ու Ադրբեջանի միջև խաղաղության համաձայնագրի շուրջ առաջընթացը», - գրել է Բլինքենը: 

Met with German Foreign Minister @ABaerbock to discuss support for Ukraine, securing a Gaza ceasefire, and progress on a peace agreement between Armenia and Azerbaijan. pic.twitter.com/xfdUjnMXkZ

— Secretary Antony Blinken (@SecBlinken) July 10, 2024