Մոսկվան արձագանքել է Ռուսաստանում դեսպանի փոփոխության վերաբերյալ Հայաստանի որոշմանը
1 րոպեի ընթերցում
![Մոսկվան արձագանքել է Ռուսաստանում դեսպանի փոփոխության վերաբերյալ Հայաստանի որոշմանը](http://armenpress.am/resized/480/storage/images/articles/2024/07/05/GSPY7XJHirejIwd44olKzAicVyzElEAp4Opt0m82.webp)
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Մոսկվան համարում է, որ Ռուսաստանում Հայաստանի դեսպանի փոփոխության հարցը Հայաստանի իրավասությունն է:
«Արմենպրես»-ի փոխանցմամբ՝ ինչպես տեղեկացնում է «ՌԻԱ Նովոստի»–ն՝ այս մասին լրագրողներին ասել է ՌԴ փոխարտգործնախարար Միխայիլ Գալուզինը։
«Այս կամ այն երկրում դեսպանի թեկնածությունը որոշելը ուղարկող պետության իրավասությունն է: Ինչպես հասկանում եմ՝ տվյալ դեպքում խոսքը Ռուսաստանի Դաշնությունում դեսպանին փոխելու Հայաստանի ղեկավարության մտադրության մասին է։ Նման հարցերի լուծման համար կան ընթացակարգեր, դրանք կիրականացվեն՝ ինչպես հասկանում եմ»,– ասել է Միխայիլ Գալուզինը։