387.97
Հայաստանի կողմից խաղաղության պայմանագրի ձգձգում չկա, գնդակն ադրբեջանական կողմում է. ԱԺ նախագահ
1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Հայաստանը ևս մեկ անգամ վերահաստատում է Ադրբեջանի հետ խաղաղության պայմանագիր ստորագրելու վերաբերյալ իր պատրաստակամությունը:
«Արմենպրես»-ի փոխանցմամբ՝ այս մասին ասաց Հայաստանի ազգային ժողովի նախագահ Ալեն Սիմոնյանը խորհրդարանում ԱՄՆ սենատոր Ռոջեր Ուիքերի գլխավորած կոնգրեսական պատվիրակության անդամների հետ համատեղ ասուլիսում:
Անդրադառնալով լրագրողի հարցին, թե ինչ պատճառով է ձգձգվում խաղաղության պայմանագրի ստորագրումը՝ Սիմոնյանն ասաց. «Հայաստանի Հանրապետության կողմից խաղաղության պայմանագրի մասով որևէ ձգձգում չկա, մենք պատրաստ ենք այն ստորագրել: Կարելի է ասել՝ այդ հարցը, գնդակը գտնվում է ադրբեջանական կողմի մոտ»:
Բաժանորդագրվեք մեր ալիքին Telegram-ում
