Իսրայելը հայտարարել է Գազայի հարավում մարդասիրական նպատակներով ռազմագործողությունների դադարների մասին

ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Իսրայելի Պաշտպանության բանակը հայտարարել է, որ Գազայի հարավում ամեն օր տեղական ժամանակով ժամը 08:00-ից մինչև 19:00-ը մարդասիրական նպատակով մարտական ​​գործողությունների դադարներ կիրականացնի:

«Արմենպրես»-ի  հաղորդմամբ՝ այս մասին ասվում է  Գազայի հատվածում Իսրայելի կառավարության գործողությունների համակարգման գրասենյակի X-ի միկրոբլոգում տարածված հայտարարության մեջ։

Նշվում է, որ Գազայի հատվածում Իսրայելի կառավարության գործողությունների համակարգման գրասենյակի կողմից մարդասիրական օգնության ծավալն ավելացնելու շարունակական ջանքերի շրջանակներում, ինչպես նաև ՄԱԿ-ի և միջազգային կազմակերպությունների հետ լրացուցիչ քննարկումներից հետո ամեն օր հայտարարված ժամերին ռազմական գործողությունների ընթացքում մարդասիրական նպատակներով մարտավարական դադար կլինի:

Ըստ հայտարարության՝ մարտական գործողությունների մարդասիրական դադարները վերաբերում են Քերեմ Շալոմ անցակետից դեպի Սալահ ադ-Դին մայրուղի և  դեպի հյուսիս երթուղուն:

As part of our ongoing efforts to increase the volumes of humanitarian aid entering Gaza and following additional related discussions with the UN and international organizations, starting yesterday (Saturday), a local, tactical pause of military activity for humanitarian purposes… pic.twitter.com/C9UeSbwuQ7

— COGAT (@cogatonline) June 16, 2024