ԲՏԱ նախարարը Starlink-ի ներկայացուցիչների հետ քննարկել է համագործակցության հետ կապված հարցեր
1 րոպեի ընթերցում
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ։ Վաշինգտոն կատարած աշխատանքային այցի շրջանակներում Բարձր տեխնոլոգիաների նախարար Մխիթար Հայրապետյանն այցելել է Starlink-ի գրասենյակ։ «Արմենպրես»-ի հաղորդմամբ՝ Հայրապետյանն այս մասին գրել է «Ֆեյսբուք»-ի իր էջում։
«Վաշինգտոն կատարած աշխատանքային այցի շրջանակներում այցելել եմ Starlink-ի գրասենյակ, որտեղ արդյունավետ հանդիպում եմ ունեցել կազմակերպության ներկայացուցիչների հետ։
Քննարկել ենք ընկերության հետ համագործակցության, մասնավորապես, առաջադեմ տեխնոլոգիաները Հայաստանում հասանելի դարձնելու հետ կապված հարցեր»,- գրել է Հայրապետյանը։