1 րոպեի ընթերցում
ՌԻՄԻՆԻ, 24 ԱՊՐԻԼԻ, ԱՐՄԵՆՊՐԵՍ: Հայաստանի սպորտային մարմնամարզության տղամարդկանց թիմի անդամ Արթուր Ավետիսյանը 4-րդն է Եվրոպայի առաջնությունում:
«Արմենպրես»-ի հաղորդմամբ`Իտալիայի Ռիմինի քաղաքում ընթացող սպորտային մարմնամարզության Եվրոպայի առաջնության առանձին գործիքների օղակների եզրափակիչում Հայաստանի ընտրանու անդամ Արթուր Ավետիսյանը, հավաքելով 14.800 միավոր, գրավեց 4-րդ տեղը:
Այս վարժությունում Եվրոպայի 7-ակի չեմպիոն դարձավ Հունաստանից Էլեֆտերիս Պետրունիասը:
Ապրիլի 27-ին Եվրոպայի առաջնության իր երրորդ ոսկու համար կպայքարի աշխարհի և Եվրոպայի չեմպիոն, Օլիմպիական խաղերի բրոնզե մեդալակիր, աշխարհի բացարձակ գավաթակիր Արթուր Դավթյանը:
Հաջորդիվ կկայանան նաև երիտասարդների առանձին գործիքների եզրափակիչները, որտեղ նժույգ-թափերի եզրափակիչում հանդես կգան Համլետ Մանուկյանը և Մամիկոն Խաչատրյանը: Բազմամարտի եզրափակիչ է դուրս եկել Ռոբերտ Գյուլումյանը: