Նիկոլա Անելկան կժամանի Հայաստան՝ քննարկելու միջազգային չափանիշներով ֆուտբոլային ակադեմիա հիմնելու հարցը
1 րոպեի ընթերցում
![Նիկոլա Անելկան կժամանի Հայաստան՝ քննարկելու միջազգային չափանիշներով ֆուտբոլային ակադեմիա հիմնելու հարցը](http://armenpress.am/resized/480/static/news/b/2024/01/1128115.jpg)
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ։ Հայ-ֆրանսիական առևտրաարդյունաբերական պալատի հրավերով հունվարի 16-20-ը Հայաստան կայցելի ֆրանսիական ՊՍԺ ակումբի դեսպան, ֆրանսիացի ֆուտբոլիստ Նիկոլա Անելկան:
«Արմենպրես»-ի փոխանցմամբ՝ ինչպես հայտնում է Հայ-ֆրանսիական առևտրաարդյունաբերական պալատը, այցի ընթացքում՝ ի թիվս այլ հարցերի, կքննարկվի Հայաստանում միջազգային չափանիշներով ֆուտբոլային ակադեմիայի հիմնումը։
Նիկոլա Անելկան Ֆրանսիայի ընտրանու կազմում անցկացրել է ավելի քան 69 խաղ՝ հաղթելով Եվրոպայի առաջնությունում, ինչպես նաև Կոնֆեդերացիայի գավաթում։ Նա խաղացել է բազմաթիվ հեղինակային ակումբներում, այդ թվում՝ ՊՍԺ-ում, «Արսենալ»-ում, «Ռեալ Մադրիդ»-ում, «Լիվերպուլ»-ում, «Մանչեսթեր Սիթի»-ում, «Չելսի»-ում, «Յուվենթուս»-ում: