Թուրքիայի խորհրդարանը երկարաձգել է Ադրբեջանում թուրք զինվորականների ներկայության մանդատը

ԵՐԵՎԱՆ, 16 ՆՈՅԵՄԲԵՐԻ,ԱՐՄԵՆՊՐԵՍ: Թուրքիայի խորհրդարանը նոյեմբերի 15-ին հաստատել է Ադրբեջանում թուրք զինվորականների ներկայության մանդատի երկարաձգման վերաբերյալ Ռեջեփ Թայիփ Էրդողանի կողմից ստորագրված օրինագիծը:

Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:

Ադրբեջանում թուրք զինվորականների ներկայության մանդատը երկարաձգվել է 1 տարի ժամկետով՝ սկսած նոյեմբերի 17-ից: