1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Սեպտեմբերի վերջի դրությամբ Վրաստանի արտաքին պետական պարտքը կազմել է 8,45 մլրդ դոլար, ինչը 115,7 մլն դոլարով կամ 1,3 %-ով ցածր է մեկ ամիս առաջվա ցուցանիշից։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին են վկայում Վրաստանի ֆինանսների նախարարության կայքում հրապարակված տվյալները։
Ֆինանսների նախարարության տվյալներով՝ Վրաստանի պետական պարտքը Եվրոպայի ներդրումային բանկի նկատմամբ նվազել է 25,1 մլն դոլարով, իսկ Համաշխարհային բանկի Զարգացման միջազգային ասոցիացիայի նկատմամբ` 20,5 մլն դոլարով։
Երկրների թվում Ֆրանսիան մնում է Վրաստանի պետական պարտքի ամենամեծ պահառուն, սակայն մեկ ամսվա ընթացքում այդ պարտքը նվազել է 19,7 միլիոն դոլարով: Այժմ հանրապետությունը 12,1 միլիոն դոլարով պակաս է պարտք Գերմանիային։ Ռուսաստանի նկատմամբ պարտքը նվազել է 3,5 մլն դոլարով՝ կազմելով 15,2 մլն դոլար: