Կանադան 2,5 միլիոն դոլարի մարդասիրական օգնության ֆինանսավորում կտրամադրի Հայաստանին՝ ԼՂ բնակիչներին օգնելու համար

2 րոպեի ընթերցում

ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Կանադայի արտգործնախարար Մելանի Ժոլին և միջազգային զարգացման նախարար Ահմեդ Հուսեյնը սոցցանցի X հարթակում հանդես են եկել տեսաուղերձով՝ իրենց մտահոգությունն արտահայտելով Լեռնային Ղարաբաղում ստեղծված իրավիճակի առթիվ։

«Արմենպրես»-ի փոխանցմամբ՝ նախարարները հայտնել են, որ Լեռնային Ղարաբաղում խորը մտահոգիչ ճգնաժամից բխող հրատապ կարիքները լուծելու համար Կանադան 2,5 միլիոն դոլարի մարդասիրական օգնության ֆինանսավորում է տրամադրում Հայաստանին։

«Անցած օրերին մենք կապ ենք հաստատել հայկական համայնքի մի քանի անդամների հետ։ Այս դժվար պահին մեր խոհերն այդ համայնքի հետ են։ Կանադան միշտ կլինի այնտեղ՝ օգնելու Հայաստանի ժողովրդին։ Այդ նպատակով մենք 2,5 միլիոն դոլարի մարդասիրական օգնության ֆինանսավորում ենք տրամադրում Հայաստանին՝ հոգալու արհավիրքից փրկված Լեռնային Ղարաբաղի բնակիչների կարիքները։ Մենք միշտ պաշտպանելու ենք ամենախոցելիներին»,- ասվում է տեսաուղերձում։

Ադրբեջանը սեպտեմբերի 19-ից Լեռնային Ղարաբաղի դեմ լայնածավալ հարձակում էր սկսել՝ թիրախավորելով նաև քաղաքացիական ենթակառուցվածքներ, խաղաղ բնակիչներին: Զոհվել և վիրավորվել էին նաև քաղաքացիական անձինք: Սեպտեմբերի 20-ին Արցախի Հանրապետության իշխանություններն ընդունեցին ռուսական խաղաղապահ առաքելություն իրականացնող զորակազմի հրամանատարության առաջարկությունը՝ կրակի դադարեցման վերաբերյալ: Սեպտեմբերի 21-ին Եվլախում կայացավ Լեռնային Ղարաբաղի և Ադրբեջանի ներկայացուցիչների հանդիպումը: Սեպտեմբերի 25-ին Իվանյանում (Խոջալու) տեղի ունեցավ Լեռնային Ղարաբաղի և Ադրբեջանի ներկայացուցիչների երկրորդ հանդիպումը:

Հայերեն English Español Français Русский Türkçe

Վարչապետն աշխատանքային նախաճաշ է ունեցել Digitec 2026-ին մասնակցող ՏՏ ոլորտի ընկերությունների ղեկավարների հետ

Ամասիա համայնքի Բյուրակն և Բերդաշեն բնակավայրերում նորակառույց կրթական հաստատություններն արդեն պատրաստ են շահագործման

Նիկոլ Փաշինյանը շնորհավորական ուղերձ է հղել Լիբանանի վարչապետին

Հայաստան–Մեծ Բրիտանիա համագործակցություն․ Ուիգմորը գործընկերության հուշագիր է ստորագրում Great Ormond Street Hospital-ի հետ

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ