Իրանի և Պակիստանի ԱԳ նախարարները քննարկել են հարաբերությունների ընդլայնումն ու սահմանների անվտանգությունը
1 րոպեի ընթերցում
![Իրանի և Պակիստանի ԱԳ նախարարները քննարկել են հարաբերությունների ընդլայնումն ու սահմանների անվտանգությունը](http://armenpress.am/resized/480/static/news/b/2023/08/1116740.jpg)
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Իրանի և Պակիստանի արտգործնախարարներ Հոսեյն Ամիր Աբդոլլահիանը և Բիլավալա Զարդարին քննարկել են քաղաքական, տնտեսական և պաշտպանական հարցեր: «Արմենպրես»-ի փոխանցմամբ՝ այս մասին հայտնում է IRNA-ն:
Իրանի արտաքին քաղաքական գերատեսչության ղեկավարը օգոստոսի 3-ին Իսլամաբադում հանդիպել է իր պակիստանցի գործընկեր Բիլավալա Բհուտտո Զարդարիի հետ:
Կողմերը քննարկել են երկկողմ հարաբերությունները, այդ թվում՝ առևտրային հարաբերությունների ընդլայնումը, երկրների միջև բանտարկյալների փոխանակումը և սահմանների անվտանգությունը:
Սա համարվում է Ամիր Աբդոլլահիանի առաջին այցը Պակիստան: Իրանի ԱԳ նախարարը նախատեսում է հանդիպել նաև Պակիստանի նախագահի, խորհրդարանի խոսնակի և բանակի հրամանատարի հետ: