1 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի առաջնության 2022/23 մրցաշրջանի հաղթողը Երևանի «Ուրարտու»-ն է:
«Արմենպրես»-ի հաղորդմամբ` Հայաստանի առաջնության նախավերջին տուրի կենտրոնական խաղում միմյանց հետ մրցեցին առաջին և երկրորդ տեղերը զբաղեցնող «Ուրարտու»-ն և «Փյունիկ»-ը: Երևանյան դերբիում որոշիչ եղավ հանդիպման ավելացված րոպեին «Ուրարտու»-ի խփած միակ և հաղթանակ գնդակը: Գոլի հեղինակ դարձավ Եվգենի Ցիմբալյուկը։
«Ուրարտու»-ն Հայաստանի առաջնության վերջին տուրից առաջ հավաքեց 82 միավոր և առաջնության ավարտից մեկ տուր առաջ անհասանելի դարձավ երկրորդ տեղը զբաղեցրած «Փյունիկ»-ից, որն ունի 77 միավոր: