1 րոպեի ընթերցում
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ։ ԱՄՆ մայրաքաղաք Վաշինգտոնում մեկնարկել է Հայաստանի արտաքին գործերի նախարար Արարատ Միրզոյանի և ԱՄՆ պետքարտուղար Էնթոնի Բլինքենի հանդիպումը: «Արմենպրես»-ի փոխանցմամբ՝ այս մասին «Թվիթեր»-ի իր միկրոբլոգում գրել է Հայաստանի արտաքին գործերի նախարարության մամուլի խոսնակ Անի Բադալյանը։
Բլինքենն այնուհետև կհանդիպի Ադրբեջանի արտաքին գործերի նախարար Ջեյհուն Բայրամովի հետ, ինչին էլ կհաջորդի Հայաստանի և Ադրբեջանի արտաքին գործերի նախարարների հանդիպումը։