Շատ հաճախ անտեսվող ողբերգություն, որի մասին հիշողությունը պետք է փոխանցել սերունդներին. Իտալիայի փոխվարչապետ
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Իտալիայի փոխվարչապետ, «Լեգա» կուսակցության առաջնորդ Մատեո Սալվինին անդրադարձել է Հայոց ցեղասպանությանը՝ նշելով որ այն շատ հաճախ անտեսվող ողբերգություն է, որը պետք է հիշել և այդ հիշողությունը փոխանցել սերունդներին՝ չմոռանալու համար։
«Հայոց ցեղասպանության տարելիցի կապակցությամբ իմ և ողջ Լեգայի կողմից գրկում եմ մի ժողովրդի, որը կարողացել է հաղթահարել մարդկության պատմության ամենամութ էջերից մեկը: Հանցագործություն, որը խլեց միլիոն ու կես կանանց, տղամարդկանց և երեխաների կյանքը: Շատ հաճախ անտեսվող ողբերգություն, որը պետք է հիշել և այդ հիշողությունը փոխանցել սերունդներին՝ չմոռանալու համար»,-«Արմենպրես»-ի հաղորդմամբ՝շեշտել է Իտալիայի փոխվարչապետը: