388.24
Մեր պատմության այս վճռորոշ շրջանում համազգային համախմբումը հրամայական է, այլընտրանք չունենք. Արամ Ա կաթողիկոս
1 րոպեի ընթերցում
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ճակատագրական է մեր ազգի պատմության ներկայիս հանգրվանը, անորոշ է Արցախի ու Հայաստանի առջև բացված հորիզոնը։ Այլ կերպ հնարավոր չէ բնութագրել հայ ազգի ներկայիս վիճակը: «Արմենպրես»-ի փոխանցմամբ՝ Անթիլիասի Մայրավանքում տեղի ունեցած Հայոց Ցեղասպանության զոհերի ոգեկոչման ժամանակ իր խոսքում նշել է Ն.Ս.Օ.Տ.Տ. Արամ Ա. կաթողիկոսը:
Արամ Առաջինը նկատել է, որ Ապրիլ 24-ը հայի պահանջատիրական պայքարի, վերարժևորման օր է: Նա բոլոր հայերին կոչ արեց համախմբվել՝ նկատելով, որ Հայաստանին, Արցախին, ամբողջ հայությանը սպառնացող վտանգներին միայն համազգային համախմբմամբ կարելի է դիմադրել:
«Մեր պատմության այս վճռորոշ շրջանում համազգային համախմբումը հրամայական է, այլընտրանք չունենք: Պետք է ճիշտ կողմնորոշվենք: Բոլորս պատմության առջև նույն պատասխանատվությունն ունենք՝ անվերապահորեն լինել Արցախի և Հայաստանի կողքին: Դա է պահանջում ազգային ինքնագիտակցությունը, իրական հայրենասիրությունը»,- պատգամել է Արամ Առաջինը:
Բաժանորդագրվեք մեր ալիքին Telegram-ում
