1 րոպեի ընթերցում
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը փետրվարի 26-ին, ժամը 00։24-ին ահազանգ է ստացել, որ Երևանի Ֆրիկի փողոցում այրվում է տնակ:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատի երկու մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Ըստ աղբյուրի՝ պարզվել է, որ կիսաքանդ շինության նկուղում (մոտ 40 քմ) այրվում է կուտակած աղբ։
Հրդեհը մեկուսացվել է ժամը 11:20-ին: