Տարածաշրջանային

Իրանի նախագահը եռօրյա այցով կմեկնի Չինաստան

1 րոպեի ընթերցում

Իրանի նախագահը եռօրյա այցով կմեկնի Չինաստան

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Իրանի նախագահ Էբրահիմ Ռայիսին փետրվարի 13-ին եռօրյա այցով կմեկնի Պեկին, տեղեկացնում է «Արմենպրես»-ը՝ հղում անելով IRNA-ին:

Ռայիսին նախատեսում է երկկողմ հանդիպում անցկացնել ՉԺՀ նախագահի հետ։ Օրակարգում են նաև երկու երկրների բարձրաստիճան պատվիրակությունների բանակցությունները և համագործակցության փաստաթղթերի ստորագրումը։

Իրանի կառավարության ղեկավարը կմասնակցի երկու երկրների գործարարների համատեղ հանդիպմանը և կհանդիպի Չինաստանում բնակվող իրանցիների հետ: Ռայիսին կհանդիպի նաև չինացի մտավորականների հետ։

Մի շարք նախարարներ կուղեկցեն Ռայիսիին Պեկին կատարելիք այցի ընթացքում:

IRNA-ն հիշեցնում է, որ Սի Ծինպինը անցյալ տարվա սեպտեմբերին Շանհայի համագործակցության կազմակերպության (ՇՀԿ) Սամարղանդի գագաթնաժողովի շրջանակներում Ռայիսիին հրավիրել էր այցելել Պեկին:

Չինաստանը Իրանի խոշորագույն առևտրային գործընկերն է՝ ըստ Իսլամական Հանրապետության մաքսային ծառայության տվյալների։ Իրանից Չինաստանի ներմուծման ծավալը 2022 թվականին կազմել է 12 միլիարդ 600 միլիոն դոլար։ Իրանը Չինաստանից ներմուծել է 12 մլրդ 700 մլն դոլարի ապրանք։

Տեղադրություն

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում