1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Picsart-ը ներկայացրել է նոր iOS հավելված, որը լուսանկարներն ու պատկերները վերածում է թվային արվեստի: «Արմենպրես»-ի հաղորդմամբ՝ այս մասին հայտնում է TechCrunch-ը:
SketchAI կոչվող հավելվածը թույլ է տալիս օգտատերերին ուրվագծել նկարը կամ վերբեռնել գոյություն ունեցող պատկեր՝ կիրառելով տարբեր գեղարվեստական ոճեր:
SketchAI-ը բավականին հեշտ է օգտագործել: Այն պարունակում է մի քանի նախապես ընտրված ոճ, որոնք կարող են կիրառվել ստեղծագործությունների համար, ներառյալ՝ թանաքով նկարչությունը, մատիտով ուրվագծումը և գեղանկարչից ոգեշնչված «Դա Վինչի» և «Վան Գոգ» ոճերը: Լուսանկարը վերբեռնելուց բացի, օգտատերերը կարող են ավելացնել պատկերը նկարագրող հուշում՝ գեներացված արդյունքը բարելավելու նպատակով:
SketchAI-ն առաջարկում է հինգ անվճար ստեղծագործություն: Անսահմանափակ գեներացիաների համար պահանջվում է բաժանորդագրություն՝ շաբաթական 5,99 դոլարից մինչև ամսական 17,99 դոլար կամ տարեկան 69,99 դոլար: