1 րոպեի ընթերցում
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևն այցելել է Պեկին։ Չինաստանի մայրաքաղաքում նա հանդիպում Է ունեցել Չինաստանի Ժողովրդական Հանրապետության նախագահ Սի Ծինփինի հետ։ Այդ մասին «Արմենպրես»-ը տեղեկանում Է «Интерфакс» գործակալությունից:
«Մենք քննարկել ենք երկու իշխող կուսակցությունների՝ Չինաստանի կոմունիստական կուսակցության և «Единая Россия»-ի փոխգործակցության հարցերը, քննարկել Չինաստանի հետ մեր ռազմավարական գործընկերության երկկողմ փոխգործակցության հարցերը բոլոր ոլորտներում, ներառյալ, իհարկե, տնտեսությունը, արդյունաբերական համագործակցությունը և այլն։
Քննարկվել են միջազգային հարցեր, այդ թվում, անշուշտ, ուկրաինական հակամարտությունը», - ասել է Մեդվեդևը բանակցությունների արդյունքների շուրջ արված հայտարարությունում։ Նա հավելել է, որ տեղի ունեցած բանակցությունները շատ օգտակար էին։ Մեդվեդևը Սի Ծինփինին շնորհավորել Է վերընտրվելու կապակցությամբ և չինական պետության ղեկավարին փոխանցել ՌԴ նախագահ Վլադիմիր Պուտինի ուղերձը։