1 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Իսրայելի արտաքին գործերի նախարարության նշանակումների հանձնաժողովը որոշել է Թուրքիայում դեսպան նշանակել դեսպանատան գործերի ժամանակավոր հավատարմատար Իրիտ Լիլիանին։
Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
Հայտարարության մեջ ընդգծվում է, որ նշանակումը հաստատվել է կառավարության կողմից։
2022թ. օգոստոսի 17-ին Թուրքիայի արտգործնախարարը, ինչպես նաև Իսրայելի վարչապետի աշխատակազմը հայտարարել էին, որ որոշել են վերականգնել երկու երկրների դիվանագիտական հարաբերությունները և փոխադարձաբար դեսպաններ նշանակել։