Շիրակի մարզի Գուսանագյուղ բնակավայրի մոտ այրվել է մոտ 11 հա խոտածածկույթ և մոտ 14 հա հնձած արտ
1 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Շիրակի մարզային ճգնաժամային կառավարման կենտրոնը սեպտեմբերի 9-ին, ժամը 17։32-ին ահազանգ է ստացել, որՄարալիկ քաղաքիմոտակայքում այրվում է խոտածածկույթ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է Գուսանագյուղ գյուղի «Բադալի ձոր» կոչվող հանդամասում:
Հրդեհը մեկուսացվել է ժամը 18:55-ին, մարվել՝ 19:12-ին: Այրվել են մոտ 11 հա խոտածածկույթ և մոտ 14 հա հնձած արտ: