Թուրքիայի և Իսրայելի նախագահները քննարկել են երկկողմ, ինչպես նաև տարածաշրջանային հարցեր
1 րոպեի ընթերցում
ԵՐԵՎԱՆ, 8 ՀՈԻԼԻՍԻ, ԱՐՄԵՆՊՐԵՍ: Իսրայելի նախագահ Իցհակ Հերցոգը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանին և շնորհավորել նրան Քուրբան բայրամի կապակցությամբ։
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Զրույցի ընթացքում կողմերը քննարկել են նաև թուրք-իսրայելական հարաբերությունները և տարածաշրջանային տարբեր խնդիրներ:
Երկու երկրների նախագահները պայմանավորվել են զարգացնել երկկողմ հարաբերությունները կոնկրետ քայլերով, որոնք հիմնված կլինեն փոխադարձ դրական զգացմունքների և արդի օրակարգի վրա։