1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: ՌԴ ԱԳՆ պաշտոնական ներկայացուցիչ Մարիա Զախարովան հայտնել է, որ հունիսի 8-ին Ռուսաստանի արտգործնախարար Սերգեյ Լավրովը կայցելի Անկարա:
Այս մասին, ինչպես հաղորդում է «Արմենպրես»-ը, հայտնում է «ՌԻԱ Նովոստին»:
Մարիա Զախարովայի խոսքով՝ Սերգեյ Լավրովը հանդիպելու է Չավուշօղլուի հետ, կքննարկվեն երկկողմ հարաբերությունները, տնտեսական համագործակցությունը Ռուսաստանի դեմ արևմտյան պատժամիջոցների համատեքստում։
Զախարովան նշել է, որ բանակցությունները կներառեն մտքերի փոխանակում տարածաշրջանային և միջազգային օրակարգի հարցերի շուրջ:
«Առաջին հերթին մտքեր կփոխանակվեն Ուկրաինայի ներկա իրավիճակի, ինչպես նաև Սիրիայում, Լիբիայում, Ղարաբաղում, Բալկաններում, Կենտրոնական Ասիայում և Աֆղանստանում կարգավորման շուրջ»,- ասել է ՌԴ ԱԳՆ պաշտոնական ներկայացուցիչը: