Պենտագոնը հայտնել է, որ Միացյալ Նահանգները պահպանում է ռազմական ներկայությունը Ուկրաինայում
1 րոպեի ընթերցում
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Այս պահին փոքր թվով ամերիկացի զինվորականներ մնում են Ուկրաինայում՝ ելնելով ԱՄՆ դիվանագիտական ներկայությունը պահպանելու շահերից։
«Արմենպրես»-ի հաղորդմամբ՝ ինչպես հայտնում է «ՌԻԱ Նովոստի»-ն, այս մասին ասել է Պենտագոնի խոսնակ Ջոն Քիրբին:
«Ուկրաինայում դեռևս կա փոքր ռազմական ներկայություն՝ կապված մեր դիվանագիտական ներկայության հետ»,- ասել է նա:
Քիրբին չի հստակեցրել, թե ինչ ուժերի մասին է խոսքը։ Նա հավելել է, որ Ֆլորիդայի ազգային գվարդիայի մարտիկները, որոնք հանդես էին գալիս որպես ուկրաինական զորքերի հրահանգիչներ, դուրս են բերվել երկրից, ինչպես նախապես հայտարարվել էր։