Ստամբուլի օդանավակայանում դադարեցվել են բոլոր թռիչքները

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Ձյան առատ տեղումների հետևանքով Ստամբուլի օդանավակայանում բոլոր թռիչքները դադարեցվել են:

Այս մասին, ինչպես հաղորդում է «Արմենպրես»-ը, հայտնում է թուրքական sozcu.com.tr-ն:

Նախնական թռիչքները դադարեցվել են մինչև այսօր ժամը 18:00-ն:

Ներկայումս օդանավակայանում ձնամաքրման աշխատանքներ են իրականացնում 500 աշխատող և 180 միավոր տեխնիկա: