1 րոպեի ընթերցում
ԳԱՎԱՌ, 8 ՀՈԿՏԵՄԲԵՐԻ, ԱՐՄԵՆՊՐԵՍ։ Գեղարքունիքի մարզպետարանի ենթակայությամբ գործող 117 հանրակրթական դպրոցները նոյեմբերի 8-ից վերադարձել են աշնանային արձակուրդներից եւ անցել առկա ուսուցմանը։
Ինչպես «Արմենպրես»-ին տեղեկացրեց Գեղարքունիքի մարզպետարանի կրթության, մշակույթի եւ սպորտի վարչության պետ Կարեն Զազյանը, չկա որեւէ դպրոց, որտեղ հեռավար ուսուցման անցնելու խնդրանք կամ պահանջ ներկայացված լինի։ Կրթական բոլոր հաստատություններն ապահովված են ջեռուցմամբ, հաճախելիությունը բարձր է։ «Ջեռուցման են անցել բոլոր դպրոցները, որեւէ տեղ ջեռուցման հետ կապված որեւէ խնդիր չկա։ Այս տարի 78 դպրոցներ ջեռուցվում են բնական գազով, 18 դպրոց՝ դիզվառելիքով, 12 դպրոց՝ էլեկտրաէներգիայով, 7 դպրոց՝ վառելափայտով։ Դասասենյակներում բավարար ջերմաստիճան ապահովելու, ինչպես նաեւ հակահամաճարակային միջոցառումների պահանջների կատարման ուղղությամբ մարզպետարանի կողմից իրականացվում է անհրաժեշտ վերահսկողություն։
Խոսրով Խլղաթյան