1 րոպեի ընթերցում
ԳԱՎԱՌ, 19 ՕԳՈՍՏՈՍԻ, ԱՐՄԵՆՊՐԵՍ։ Սեւանա լճի մակարդակը նախորդ տարվա օգոստոսի 18-ի համեմատ նվազել է 5 սանտիմետրով։
Ինչպես «Արմենպրես»-ին տեղեկացրին ՀՀ ԱԻՆ «Հայհիդրոմետ» ծառայությունից, 2021 թվականի օգոստոսի 18-ի դրությամբ Սեւանա լիճը ծովի մակերեւույթից գտնվել է 1900 մետր 67 սանտիմետր բարձրության վրա՝ նախորդ տարվա 1900 մետր 72 սանտիմետր նիշի դիմաց։ Նույն օրվա դրությամբ ոռոգման նպատակներով այս տարվա ընթացում Սեւանա լճից արդեն բաց է թողնվել 168 միլիոն 244 հազար խորանարդ մետր ջուր։ Արփա-Սեւան թունելային ջրատարով այս տարի Սեւանա լիճ է տեղափոխվել 134 միլիոն 75 հազար խորանարդ մետր ջուր։
ՀՀ կառավարության որոշմամբ, ելնելով ստեղծված իրավիճակից, Սեւանա լճից կիրականացվի լրացուցիչ ջրառ՝ մինչեւ 75 միլիոն խորանարդ մետր ծավալի շրջանակներում։
Խոսրով Խլղաթյան