1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի Մ16 տարեկանների թիմը շարունակում է հաջող ելույթները Զարգացման մրցաշարում:
«Արմենպրես»-ի հաղորդմամբ` այս մասին հայտնում է ՀՖՖ-ն: UEFA-ի զարգացման մրցաշարում Հայաստանի Մ-16 հավաքականը երկրորդ խաղում անընդմեջ դաշտից դուրս է գալիս հաղթանակած՝ այս անգամ հաղթելով Ղրղզստանի Մ-16 հավաքականին։
Ավելի վաղ` հունիսի 20-ին, Հայաստանի Մ-16 հավաքականը 4:0 հաշվով վստահ հաղթանակ էր տոնել Լիբանանանի Մ16 տարեկանների հավաքականի նկատմամբ։
Հունիսի 20-ից 24-ը Հայաստանում չորրորդ անգամ անցկացվում է ՈՒԵՖԱ-ի Զարգացման հերթական մրցաշարը։ Այս անգամ մրցաշարին մասնակցում է 4 թիմ՝ Հայաստանի Մ-15, Հայաստանի Մ-16, Լիբանանի Մ-16 և Ղրղզստանի Մ-16 հավաքականները։ Բոլոր հանդիպումները կկայանան ՀՖՖ տեխնիկական կենտրոն/ֆուտբոլի ակադեմիայում։