Պատմության հետագծով  

ԵՐԵՎԱՆ, 30 ԱՊՐԻԼԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1789 թ. ապրիլի 30-ին Ջորջ Վաշինգտոնն ընտրվում է ԱՄՆ 1-ին նախագահ:

-1803 թ. ապրիլի 30-ին ԱՄՆ-ը Ֆրանսիայից 15 մլն դոլարով գնում է Լուիզիանան:

-1777 թ. ապրիլի 30-ին ծնվել է Կառլ Գաուսը՝ գերմանացի ֆիզիկոս, մաթեմատիկոս, ով նշանակալի ներդրում ունեցավ մաթեմատիկայի եւ այլ գիտությունների բազմաթիվ ոլորտներում։ Համարվում է բոլոր ժամանակների մեծագույն մաթեմատիկոսներից մեկը՝ «Մաթեմատիկայի թագավորը»։

-1941 թ. ապրիլի 30-ին մահացել է Փանոս Թերլեմեզյանը՝ հայ նկարիչ եւ հասարակական գործիչ, Վանի հերոսամարտի հրամանատարներից մեկը (ծնվ.՝ 1865 թ.)։

-1945 թ. ապրիլի 30-ին մահացել է Ադոլֆ Հիտլերը՝ գերմանացի քաղաքական գործիչ, բռնապետ, ֆաշիզմի հետեւորդ (ծնվ.՝ 1889 թ.)։

-1975 թ. ապրիլի 30-ին նախկին Սայգոն, ներկայիս Հոշիմին քաղաքի գրավումից հետո ավարտվեց Վիետնամի պատերազմը։

-1991 թ. ապրիլի 30-ին ԽՍՀՄ զինված ուժերը եւ ադրբեջանական ՕՄՕՆ-ը սկսեցին «Օղակ» գործողությունը։

-1993 թ. ապրիլի 30-ին ՄԱԿ-ի Անվտանգության խորհուրդն ընդունեց 822 բանաձեւը, որը վերաբերում էր ԼՂ հակամարտությանը։

Հիշարժան փաստեր

-Սպիտակ եւ շագանակագույն ձվերի միջեւ տարբերություն չկա: Կեղեւի գույնը գենետիկ առանձնահատկություն է, այն չի ազդում սննդային արժեքի, համի կամ թարմության վրա:

- Ձվերը կարող են պահվել սառնարանում մինչեւ 15 օր: «LieBHERR»-ից «BioFresh»-ի թարմության գոտում դրանք կարող են պահվել շատ ավելի երկար` 45 օր:

-Հավի ձուն ունի կենսաբանական մեծ արժեք: Այն պարունակում է մոտ 6 գրամ սպիտակուց եւ բոլոր 20 ամինաթթուները, որոնք հեշտությամբ ներծծվում են մարմնի կողմից:

-Գիտե՞ք, արդյոք, որ կան մարդիկ, ովքեր սիրում են ուտել ձուն հում վիճակում։ Նրանց խոսքով՝ հում ձվի օգտագործումն ունի շատ առավելություններ, որոնք էլ փոխանցվում են օրգանիզմին։

-Ձվի մեջ հայտնաբերված 2 հակաօքսիդանտները՝ լյուտեինը եւ զեակսանտինը, պաշտպանում են աչքերը ծերանալուց եւ պահպանում են լավ տեսողությունը։ Ինչպես ցանկացած այլ հակաօքսիդանտի դեպքում, բարձր ջերմաստիճանը ոչնչացնում է ինչպես լյուտեինը, այնպես էլ զեակսանտինը։

-Բարձր ջերմաստիճանն օգնում է սպանել մանրէները, եւ հենց այդ պատճառով էլ ձուն եփելով՝ մենք որոշ չափով ապահովագրում ենք մեզ բակտերիաներից։ Հենց այդ պատճառով էլ շատերը ձուն չեն օգտագործում հում վիճակում։

Մ. Ա.