Եվրոպական երկրների մի խումբ պատգամավորներ քննադատել են Կայա Կալասի առաջիկա այցն Ադրբեջան

Եվրոպական խորհրդարանի և եվրոպական տարբեր երկրների խորհրդարանների մի խումբ պատգամավորներ մտահոգություն են հայտնել և քննադատել են Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին ապրիլի 25-ին Ադրբեջան կատարելիք պաշտոնական այցի առնչությամբ։

«Արմենպրես»-ի հաղորդմամբ՝ այս մասին պատգամավորները գրառումներ են կատարել X-ի իրենց միկրոբլոգներում։

Եվրախորհրդարանի կիպրացի պատգամավոր Լուկաս Ֆորլասն իր գրառման մեջ նշել է․ «Կայա Կալասի` ապրիլի 25-ի Ադրբեջան կատարելիք այցը լուրջ մտահոգություններ է առաջացնում։ Այս այցը տեղի է ունենում Ադրբեջանի շարունակական անդրսահմանային բռնության, հայ խաղաղ քաղաքացիների անօրինական կալանավորման և Հայաստանում ԵՄ դիտորդական առաքելության դեմ ուղղված բացահայտ սպառնալիքների ֆոնին»:

The planned visit of European Commission @kajakallas to 🇦🇿 on April 25, raises serious concerns. This visit comes amid Azerbaijan’s continued cross-border violence, the illegal detention of Armenian civilians, and open threats against the EU 🇪🇺Mission in 🇦🇲. @vonderleyen

— Loucas Fourlas (@loucas_fourlas) April 23, 2025

Ֆրանսիայի Ազգային ժողովի պատգամավոր Իզաբել Սանտյագոն, իր հերթին, գրել է, որ Հայոց ցեղասպանության 110-րդ տարելիցին սկանդալային է իմանալ, որ ԵՄ բարձր ներկայացուցիչն ապրիլի 25-ին մեկնում է Ադրբեջան, մինչ հայ բանտարկյալները գտնվում են Բաքվի բանտերում։

Au moment du 110ème anniversaire du génocide des Arméniens, scandaleux d’apprendre que la Haute représentante de l'UE @kajakallas.bsky.social se rend en Azerbaïdjan le 25/04 alors que des prisonniers arméniens sont dans les prisons de Bakou. No visite l’UE @ccaf_france

— Isabelle Santiago (@isasantiago_94) April 23, 2025

Իսպանիայի խորհրդարանի պատգամավոր Ֆրանսեսկ Մարկ Ալվարոն իր գրառման մեջ նշել է, որ ապրիլի 25-ին ԵՄ բարձր ներկայացուցիչ Կայա Կալասի այցը Բաքու մեծ մտահոգության տեղիք է տալիս․ «Ադրբեջանում մարդու իրավունքների վիճակը վատ է, և այս այցը կարող է վնասել ԵՄ-ի և Հայաստանի միջև հարաբերություններին՝ առանցքային գործընկերոջ, որն ամուր նվիրվածություն ունի խաղաղությանը»:

La visita de l'Alta Representant de la UE, Kaja Kallas, a Bakú el 25 d'abril és motiu de gran preocupació. L'historial de l'Azerbaidjan en drets humans és deficient, i aquesta visita podria fer malbé les relacions entre la UE i Armènia, soci clau amb un compromís ferm amb la pau.

— Francesc-Marc Álvaro (@fmarcalvaro) April 23, 2025

Իսպանիայի խորհրդարանի մեկ այլ պատգամավոր Ջոն Ինյարիտուն, մասնավորապես, գրել է․ «Մինչ Ադրբեջանը խախտում է մարդու իրավունքները և միջազգային իրավունքը, Կայա Կալասը պաշտոնական այցով մեկնում է Բաքու։ Կովկասի մյուս երկրները նպաստում են ժողովրդավարությանը և խաղաղությանը, սակայն ԵՄ-ն առաջնահերթություն է տալիս ավտորիտար և ագրեսիվ բռնապետությանը»:

Mientras Azerbaiyán viola derechos humanos y el derecho internacional, ⁦@kajakallas⁩ se va de viaje oficial a Bakú.

Otros Estados del Cáucaso promocionan la democracia, los ddhh y la paz, pero la UE prioriza a una dictadura autoritaria y agresiva. https://t.co/33TZpvmcNK

— Jon Inarritu (@JonInarritu) April 23, 2025

Գերմանիայի Բունդեսթագի նախկին պատգամավոր Միքայել Ռոթն էլ իր գրառման մեջ հարց է ուղղել Կայա Կալասին, թե արդյոք Եվրոպայի համար գազն ավելի կարևոր է, քան եվրոպամետ հանձնառությունը։ 

«Դուք այցելում եք Բաքվի ավտորիտար ռեժիմ՝ խուսափելով Երևանի ժողովրդավարությունից: Մինչդեռ Ադրբեջանը մերժում է մեր արժեքները, Հայաստանը մոտենում է Եվրոպական միությանը: Ինչպե՞ս է ռազմավարական մտածողության վիճակը Բրյուսելում»,-գրել է նախկին պատգամավորը:

Dear @kajakallas, I wonder if gas is more important to us than pro-🇪🇺 commitment? You visit the authoritarian regime in Baku + avoid democracy in Yerevan.While 🇦🇿 rejects our values, 🇦🇲 moves closer to 🇪🇺.What's the state of strategic thinking in Brussels? https://t.co/IixvuzRTxE

— michaelroth.bluesky.social 🇪🇺🇺🇦🇮🇱🇬🇪 (@MiRo_SPD) April 23, 2025

Ավելի վաղ հաղորդվել էր, որ Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը պաշտոնական այցով ապրիլի 25-ին կժամանի Ադրբեջան։ 

Այցի շրջանակում նա կհանդիպի Ադրբեջանի նախագահ Իլհամ Ալիևի, ինչպես նաև արտաքին գործերի նախարար Ջեյհուն Բայրամովի հետ։ Արտգործնախարարի հետ հանդիպումից հետո նախատեսվում են մամուլի համար հայտարարություններ։Այցի երկրորդ հատվածում Կայա Կալասը հանդիպում կունենա Եվրոպական երիտասարդ դեսպանների հետ։