Սուրեն Պապիկյանն ու Ֆինլանդիայի դեսպանը քննարկել են պաշտպանության բնագավառում երկկողմ համագործակցությանն առնչվող հարցեր

Հայաստանի Հանրապետության պաշտպանության նախարար Սուրեն Պապիկյանն ընդունել է Հայաստանում Ֆինլանդիայի արտակարգ և լիազոր դեսպան Կիրստի Նարինենին:

«Արմենպրես»-ի հաղորդմամբ՝ այս մասին հայտնում է Հայաստանի պաշտպանության նախարարությունը՝ հրապարակելով հանդիպման տեսանյութը։

ՊՆ-ի փոխանցմամբ՝ հանդիպման ընթացքում քննարկվել են Հայաստանի ու Ֆինլանդիայի միջև պաշտպանության բնագավառում երկկողմ, ինչպես նաև Հյուսիսատլանտյան դաշինքի (ՆԱՏՕ) ու Եվրոպական միության հետ բազմակողմ ձևաչափով համագործակցության հնարավորությունները։

«Կողմերն անդրադարձել են նաև տարածաշրջանային ու միջազգային անվտանգությանն առնչվող հարցերի»,-նշվում է ՊՆ-ի տարածած տեսանյութում։