368.52
Ծառուկյանն անդրադարձավ Ջո Բայդենի կողմից «ցեղասպանություն» բառն արտասանելու hնարավորությանը
1 րոպեի ընթերցում
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի hամոզմամբ՝ ԱՄՆ նախագահ Ջո Բայդենի կողմից «ցեղասպանություն» եզրույթն արտասանելը Հայաստանին ևս մեկ լծակ կտա արդարությունը վերականգնելու համար:
«Արմենպրես»-ի հաղորդմամբ՝ այս մասին Ծառուկյանն ասաց Ծիծեռնակաբերդում՝ Հայոց ցեղասպանության զորհերի հիշատակին հարգանքի տուրք մատուցելուց հետո:
«Կարծում եմ, որ Բայդենի կողմից «ցեղասպանություն» բառն արտասանելը Հայաստանին ևս մեկ լծակ կտա օգտագործելու Թուրքիայի դեմ՝ արդարությունը վերականգնելու համար: Ավելի մանրամասն կխոսենք, երբ դա տեղի ունենա»,- նշեց Ծառուկյանը:
ԶԼՄ-ները հայտնում են, որ Թուրքիայի նախագահ Ռեջեփ Թայիփ Էրդողանի հետ հեռախոսազրույցի ընթացքում ԱՄՆ նախագահ Ջո Բայդենը հայտնել է, որ 1915թ. Մեծ Եղեռնի ուղերձում 20-րդ դարասկզբի իրադարձություններն անվանելու է Ցեղասպանություն:
Բաժանորդագրվեք մեր ալիքին Telegram-ում