1 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Տիգրան Բարսեղյանը ճանաչվել է «Աստանայի» ամսվա լավագույն ֆուտբոլիստ:
«Արմենպրես»-ի հաղորդմամբ` այս մասին գրում է ակումբի մամուլի ծառայությունը: Ակումբի կազմակերպած քվեարկությանը մասնակցում էին երկրպագուները, ովքեր ամենաշատը քվեարկել են հենց Բարսեղյանի օգտին: Նա ստացել է ձայների 33.68 տոկոսը:
Բարսեղյանը ղազախստանի առաջնության «Տարազի» հետ հանդիպմանը դարձել էր գոլային փոխանցման հեղինակ, իսկ «Օկժետպեսի» դեմ հանդիպմանը վաստակել 11-մետրանոցի հարվածի իրավունք:
Պատրաստեց Վարվառա Հայրապետյանը