Թուրքիայի ազգայնական կուսակցության առաջնորդ. Մահապատիժը պետք է վերականգնվի
1 րոպեի ընթերցում
![Թուրքիայի ազգայնական կուսակցության առաջնորդ. Մահապատիժը պետք է վերականգնվի](http://armenpress.am/resized/480/static/news/b/2020/09/1026669.jpg)
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ։ Թուրքիայի «Ազգայնական շարժում» կուսակցության (MHP-ԱՇԿ) առաջնորդ Դևլեթ Բահչելին կրկին կուսակցության դրական դիրքորոշումն է հայտնել մահապատժի կիրառումը երկրի դատաիրավական համակարգում վերականգնելու մասին: Ինչպես փոխանցում է «Արմենպրես»-ը, վկայակոչելով Սաբահը, Էրդողանի մտերիմ դաշնակիցը նշել է, որ այդ պատիժը պետք է կիրառվի բռնաբարություն կատարած ու մանկասպան հանցագործների նկատմամբ: Բահչելիի խոսքով՝ իր կուսակցությունը մահապատժի ջատագով չէ, սակայն նշված հանցագործությունների դեմ պայքարում այլընտրանք չկա:
Թուրքիայում 2004 թվականից օրենքով արգելված, իսկ դրանից մի քանի տարի առաջ արդեն իսկ չկիրառվող մահապատժի վերականգնման մասին խոսակցությունները ակտիվացան 2016-ի ռազմական հեղաշրջման փորձից հետո:
Այն ժամանակ առաջարկվում էր վերականգնել մահապատիժը երկրում նոր ռազմական հեղաշրջումներ կամ դրա փորձերը կանխարգելելու նպատակով: Էրդողանն էլ իր ելույթներում բազմիցս նշել է, որ մահապատիժը կարող են վերականգնել, եթե դա ցանկանա ժողովուրդը: