1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: «Բարսելոնայի» հարձակվող Լիոնել Մեսսին համաձայնության է հասնում անգլիական «Մանչեսթեր Սիթի» տեղափոխության պայմանների հարցում:
«Արմենպրես»-ի հաղորդմամբ` այս մասին գրում են անգլիական ԶԼՄ-ները: Կողմերը համաձայնության են եկել 5 տարվա պայմանագրի շուրջ, իսկ Մեսսիի արժեքը կկազմի 700 միլիոն եվրո: Մեսսին 3 մրցաշրջան հանդես կգա «Մանչեսթեր Սիթիում», այնուհետև երկու տարի կխաղա ամերիկյան «Նյու Յորք Սիթիում»:
Ավելի վաղ հայտնի էր դարձել, որ «Բարսելոնայի» արգենտինացի հարձակվող Լիոնել Մեսսին ցանկություն ունի հեռանալ կատալոնական ակումբից: Արգենտինացին ֆաքսով այդ մասին հայտնել է թիմին և ուզում է օգտվել պայմանագիրը միակողմանի խզելու իր հնարավորությունից: Նրա հայրը Մանչեսթեր քաղաքում էր: Կողմերի միջև բանակցություններ են ընթացել երկու տարվա պայմանագրի շուրջ:
Մեսսին իր ողջ կարիերայի ընթացքում 630 գնդակ է խփել «Բարսելոնայի» կազմում, որտեղ մասնակցել է 724 խաղի, ինչպես նաև 70 գնդակ է հեղինակել Արգենտինայի հավաքականի կազմում անցկացրած 138 խաղում:
Պատրաստեց Վարվառա Հայրապետյանը