1 րոպեի ընթերցում
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի բազմակի չեմպիոն Երևանի «Փյունիկ»-ը նոր ֆուտբոլիստ ունի Դաղստանից:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: «Փյունիկ» ՖԱ-ն պայմանագիր է կնքել 26-ամյա դաղստանցի պաշտպան Մագոմեդ Մուսալովի հետ։
Մուսալովը «Ռուբինի» ակադեմիայի սան է։ Ֆուտբոլիստի վերջին ակումբը եղել է Ռուսաստանի Պրեմիեր լիգան ներկայացնող «Ախմատը»։
Մուսալովը «Փյունիկում» հանդես կգա 25 համարի ներքո։
Պատրաստեց Վարվառա Հայրապետյանը