1 րոպեի ընթերցում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: ՀՀ նախագահ Արմեն Սարգսյանը շնորհավորել է բանաստեղծ, գրականագետ, բանասիրական գիտությունների դոկտոր, պրոֆեսոր Հենրիկ Էդոյանին՝ ծննդյան 80-ամյակի առթիվ, մաղթել նրան առողջություն, ստեղծագործական եռանդ և ավյուն: «Արմենպրես»-ի հաղորդմամբ` նախագահ Արմեն Սարգսյանի ուղերձում, մասնավորապես, ասված է.
«Հարգելի պարոն Էդոյան, Շնորհավորում եմ Ձեզ ծննդյան 80-ամյակի առթիվ։ Ժամանակի և իրականության ինքնատիպ ընկալումը Ձեր մտածողության ու ստեղծագործության առանցքն են, ինչի շնորհիվ գրական ու գրականագիտական Ձեր հետքն աչքի է ընկնում յուրօրինակությամբ։ Այն մնայուն է արդեն մի քանի տասնամյակ՝ որպես պոեզիա հավերժի և գեղեցիկի մասին, որպես գիտամանկավարժական բեղմնավոր գործունեություն։
Մաղթում եմ Ձեզ առողջություն, ստեղծագործական եռանդ ու ավյուն»: