ԱՄՆ-ը հետաձգել Է ռազմական արբանյակով Delta IV ծանր հրթիռի արձակումը

ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ում հետախուզական արբանյակով Delta IV Heavy կրող հրթիռի արձակումն ԱՄՆ-ի զինված ուժերի համար՝ հետաձգվել Է: Այդ մասին, ինչպես տեղեկացնում Է «Արմենպրես»-ը, հայտնել Է United Launch Allaince (ULA) ընկերությունը:

Հրթիռի մեկնարկը Ֆլորիդայի Կանավերալի հրվանդանում գտնվող տիեզերակայանից պլանավորվել Էր օգոստոսի 27-ին ԱՄՆ-ի Արեւելյան ափի ժամանակով 02:12-ին (Երեւանի ժամանակով 10:12-ին):

«Արձակման ղեկավարը…հայտարարել Է, որ չի շարունակելու ժամանակի հաշվումը մինչեւ NROL-44-ի հետ Delta IV-ի արձակումը»,-հաղորդվում Է ընկերության Էջում, որտեղ պետք Է իրականացվեր հեռարձակումը:

Ինչպես նշվում Է, արձակման հաջորդ փորձը հնարավոր կլինի 24 ժամ անց:

Հրթիռը պետք Է ուղեծիր դուրս բերի արբանյակը՝ ԱՄՆ-ի ռազմատիեզերական հետախուզության ազգային վարչության համար (NRO): NROL-44-ի առաքելությունը կրում Է գաղտնի բնույթ, եւ այդ պատճառով ավանդաբար այդպիսի արձակումների համար հեռարձակումը կդադարեցվի կրող հրթիռի մեկնարկից անմիջապես հետո: Ինչպես հաղորդում են մասնագիտացված հրատարակությունները, առաքելության ընթացքում ուղեծիր դուրս կբերի ավտոբուսի մեծությամբ սարքը, որն այսօրվա դրությամբ ամենաբարդ եւ թանկ սարքն Է, որն արձակվում Է ԱՄՆ-ի կառավարության համար, հաղորդել Է ՌԻԱ Նովոստին: