ՀՖՖ-ն հայտարարում է ընդունելություն մրցավարական դպրոցում

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան հայտարարում է ՀՖՖ մրցավարական դպրոցի ընդունելություն։

«Արմենպրես»-ի հաղորդմամբ` այս մասին հայտում է ՀՖՖ մամուլի ծառայությունը:

Մրցավարական դպրոցի վերակազմակերպման արդյունքում ՀՖՖ-ն մշակել է դասընթացների անցկացման նոր ձևաչափ: Այսուհետև դասընթացներն անցկացվելու են ոչ միայն Երևանում, այլև Գյումրիում, Վանաձորում և Արտաշատում: Նոր ձևաչափն ընդգրկում է ֆուտբոլի և ֆուտզալի մրցավարական հիմունքները։

Դասընթացներին մասնակցության համար հարկավոր է ս․թ․օգոստոսի 15-ից մինչև սեպտեմբերի 15-ն ընկած ժամանակահատվածումՀՖՖ մրցավարական դպրոցի refereeeducation@ffa.amէլեկտրոնային հասցեին ուղարկել մասնակցի փաստաթղթային փաթեթը:

Պատրաստեց Վարվառա Հայրապետյանը