«Արարատ-Արմենիա»-«Օմոնիա» հանդիպումը կսպասարկի ռումինացի մրցավարը  

ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Չեմպիոնների լիգայի որակավորման առաջին փուլի «Արարատ-Արմենիա»-«Օմոնիա» հանդիպումը կսպասարկի ռումինացի մրցավարը:

«Արմենպրեսի» հաղորդմամբ` այս մասին հայտնում է ՈՒԵՖԱ-ն: Հանդիպման գլխավոր մրցավարը ռումինացի Սեբաստիան Կոլցեսկուն է: Եզրերում նրան կօգնեն ռումինացի Ռադու Գինգուլեցը և Անտոն Գուսևը Բելառուսից:

ՈՒԵՖԱ-ի Չեմպիոնների լիգայի որակավորման առաջին փուլի «Արարատ-Արմենիա» - «Օմոնիա» հանդիպումը կկայանա օգոստոսի 19-ին ժամը 19:00-ին ՀՖՖ ֆուտբոլի ակադեմիայի մարզադաշտում:

Պատրաստեց Վարվառա Հայրապետյանը