«Սևիլիան» Եվրոպայի լիգայի եզրափակիչում է

ԵՐԵՎԱՆ, 17ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Եվրոպայի լիգայի եզրափակիչի առաջին մասնակիցը հայտնի է:

«Արմենպրես»-ի հաղորդմամբ` գերմանական Քյոլն քաղաքում ընթացող Եվրոպայի լիգայի կիսաեզրափակիչում միմյանց հետ ուժերը չափեցին իսպանական «Սևիլիան» և անգլիական «Մանչեսթեր Յունայթեդը»:

Իսպանացիները Սուսոյի և Լյուկ դե Յոնգի երկու գոլերի շնորհիվ հաղթեցին «Մանչեսթեր Յունայթեդին» 2:1 հաշվով: «Կարմիր սատանաներից» միակ գնդակը խփեց Ֆերնանդեշը:

Եզրափակիչի մյուս ուղեգրի համար կպայքարեն իտալական «Ինտերը» և ուկրաինական «Շախտյորը» (Դոնեցկ): Այդ հանդիպումը կկայանա օգոստոսի 17-ին:

Պատրաստեց Վարվառա Հայրապետյանը