Հետաքննությունը նշել է Բեյրութում տեղի ունեցած պայթյունի հավանական պատճառը

2 րոպեի ընթերցում

ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Բեյրութում տեղի ունեցած պայթյունի հանգամանքների նախնական ուսումնասիրությունը ցույց է տվել, որ կատարվածի պատճառը կարող էր լինել նավահանգստի տարածքում պայթուցիկ նյութերի պահման հարցում ցուցաբերված անփութությունը: «Արմենպրես»-ի փոխանցմամբ, այդ մասին հաղորդում է Reutersգործակալությունը՝ վկայակոչելով հետաքննության ընթացքին ծանոթ աղբյուրի։

Գործակալության աղբյուրը հավելել է, որ տվյալ խնդրով զբաղվող տեսչությունը խախտումներին ուշադրություն է դարձրել դեռևս վեց ամիս առաջ, սակայն ոչինչ չի արվել պայթյունավտանգ նյութը տեղափոխելու համար:

Աղբյուրը հայտնել է, որ օգոստոսի 4-ին 9-րդ պահեստում բռնկված հրդեհը տարածվել է մինչև 12-րդ պահեստ, որտեղ պահվելիս է եղել ամոնիումի նիտրատը:

Նավահանգստի ղեկավար Հասան Կորայտեմը տեղի լրատվամիջոցին հայտնել է, որ պահեստում այդ նյութը պահվել է դատարանի որոշմամբ: Նա հավելել է, որ իրենք տեղյակ են եղել, որ այն վտանգավոր է, սակայն չեն պատկերացրել, որ «այս աստիճանի»:

Նախօրեին տեղի ունեցած պայթյունի հետևանքով, որը փորձագետները համեմատել են 4.5 բալ ուժգնությամբ երկրաշարժի հետ, առնվազն 100 մարդ է մահացել, 4000-ը՝ վիրավորվել են, հարյուր հազարավորներն էլ մնացել առանց տանիքի: Զոհերի թվում վեց հայ կա:

Հայերեն English Русский

Մետրոպոլիտենի «Սուրմալու» կայարանի կառուցման տեխառաջադրանքը հաստատվել է

Երևանի բյուջեի սեփական եկամուտների հավաքագրումն անցած տարի ավելի քան 21 մլրդ դրամով ավելացել է

Ադրբեջանը շարունակում է ապատեղեկատվություն տարածել՝ չներկայացնելով ոչ մի փաստական տվյալ կամ հիմնավորում. ՀՀ ՊՆ

Մեծ Բրիտանիան և ԵՄ-ն կքննարկեն ռուսական սառեցված ակտիվների բռնագրավումը

Հայաստանում աղքատության ցուցանիշն աստիճանաբար նվազում է․ փոխնախարար

Հալեպի նահանգապետն ու Հայաստանի գլխավոր հյուպատոսը քննարկել են երկկողմ համագործակցության ամրապնդման վերաբերյալ հարցեր

ՀՀ ԱԳՆ գլխավոր քարտուղարը Էստոնիայի գործընկերոջը հրավիրել է «Երևանյան երկխոսության» միջազգային համաժողովին

Երևանի քաղաքապետարանը կարևորում է 2024-ին 171 ավտոբուսի և 15 էլեկտրական տրոլեյբուսի ձեռքբերումը

Արտենի-Արագածավան ավտոճանապարհին տեղի ունեցած վթարի հետևանքով կա 4 զոհ

Որևէ մեկն Ադրբեջանին չի ասում՝ ինչո՞ւ ես Իսրայելից, Թուրքիայից զենք գնում․ թուրք լրագրող