«Ռեալը» Լա լիգայի առաջատարն է 

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Իսպանիայի ֆուտբոլի առաջնությունում նոր առաջատար կա:

«Արմենպրես»-ի հաղորդմամբ` Լա լիգայի 32-րդ տուրի շրջանակում «Ռեալն» արտագնա խաղում մրցեց «Էսպանյոլի» հետ: 45-րդ րոպեին Կազեմիրոյի միակ գնդակի շնորհիվ «արքայական ակումբը» հաղթանակ տոնեց:

Այժմ «Ռեալն» ունի 71 միավոր, իսկ երկրորդ տեղում ընթացող «Բարսելոնան»` 69: Եռյակը 58 միավորով եզրափակում է Մադրիդի «Ատլետիկոն»:

Իսպանիայի ֆուտբոլի առաջնության ավարտին մնացել է 6 տուր:

Պատրաստեց Վարվառա Հայրապետյանը