1 րոպեի ընթերցում
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Անգլիայի ֆուտբոլի 2020/2021 մրցաշրջանը կարող է մեկնարկել սեպտեմբերին:
«Արմենպրես»-ի հաղորդմամբ` այս մասին գրում է Daily Mail-ը:
Ըստ պարբերականի, Պրեմիեր լիգայի թիմերը կողմ են նոր մրցաշրջանը սեպտեմբերին մեկնարկելուն` անկախ այն հանգամանքից, թե երբ կավարտվի այժմ ընդհատված մրցաշրջանը:
Ավելի վաղ հայտնի էր դարձել, որ ֆուտբոլային ակումբներն իրենց շրջանում քվեարկություն են անցկացրել և միաձայն համաձայնել են վերսկսել խմբային մարզումները: Նրանք մայիսի 19-ից կմարզվեն խմբերով, սակայն խմբերը շատ մեծ չեն լինի, և ֆուտբոլիստների միջև կպահպանվի սոցիալական հեռավորությունը: Բրիտանական կառավարությունն արդեն իսկ թույլատրել է վերսկսել Պրեմիեր լիգան: Երկրի ֆուտբոլի առաջնությունը դադարեցվել էր մարտի 13-ին` կորոնավիրուսի պանդեմիայի պատճառով:
Պատրաստեց Վարվառա Հայրապետյանը